Rreth Nesh

Fabrika Farmisa u hap në janar të vitit 2022 dhe përfaqëson fabrikën më të madhe të ushqimit për kafshë në rajon. Me një kapacitet prodhimi prej 250 tonësh në ditë, përkatësisht 90,000 tonë në vit, kjo fabrikë është ndërtuar sipas standardeve më të avancuara teknologjike në industrinë e prodhimit të ushqimit për kafshë.

Procesi i prodhimit është i mbyllur dhe plotësisht i automatizuar, me monitorim dhe kontroll të përhershëm përmes sistemeve kompjuterike – duke filluar nga pranimi i lëndëve të para deri te dalja e produktit përfundimtar. Kontrolli cilësor kryhet në laboratorin tonë të brendshëm, por gjithashtu edhe në bashkëpunim me laboratorë dhe institute shkencore ndërkombëtare.

Recetat dhe formulimet për prodhimin e ushqimit hartohen sipas kërkesave më moderne të kohës dhe janë rezultat i një bashkëpunimi të ngushtë me ekspertë gjermanë dhe austriakë, të cilët kanë përvojë të gjatë dhe të thellë në fushën përkatëse. Një element kyç i kësaj fabrike është ndryshimi sezonal i recetave (pranverë, verë, vjeshtë, dimër), që i përshtatet në mënyrë optimale nevojave të ndryshueshme të kafshëve gjatë gjithë vitit.

Formulimet e premikseve, të cilat përmbajnë vitaminat dhe mineralet e nevojshme, janë gjithashtu të dizajnuara sipas standardeve më të fundit. Ato përfshijnë burime moderne të përbërësve ushqimorë, duke garantuar asimilim dhe shfrytëzim maksimal nga organizmi i kafshëve.

Në prodhim përdoren vetëm lëndë të para të cilësisë më të lartë, të furnizuara nga partnerë të certifikuar që përmbushin standardet më bashkëkohore, çka garanton cilësi të shkëlqyer të ushqimit që ne prodhojmë.

Na dërgoni mesazh